Deban Bizkaiko Golkoko kostalde osoko olatu hoberenetakoak daude. Kilometro gutxiren barruan olatu piku kopuru handia aurki dezakegu, kalitate ezin hobea eta maila guztietako surflarientzako gainera. Debako Santiago eta Lapari hondartzak paregabeak dira surfean hasteko; izan ere, malda gutxiko hondartzak direnez, aparrek ibilibide luzea egiten dute eta surf egiten ikasteko oso leku aproposak dira. Marea baxuan bi hondartza horiek bat egiten dute eta olatu eskaintza anitza sortzen da.

Deban hemezortzi jatetxe, erretegi eta sagardotegi baino gehiago daude eta taberna eta pintxo taberna aukera zabala ere badugu. Jatetxe horietan, eskaintzen diren platerak euskal sukaldaritza tradizionalean oinarrituta daude eta profesionaltasunez eta mimoz egindako bertako arrain, haragi eta barazki aukera zabala izango dugu aukeratzeko. Guztiari laguntzeko, inguruetako txakolin freskoa eta sagardo bikaina eskatu daiteke.

Bailara itsu,liluragarri eta luzea da, jatorri Karstikoa duena eta luzerari dagokionez,gutxi gora behera, hiru kilometro eta erdi dituena.